Откриена лабораторија за правење бомби

Унгарската полиција ги засилила мерките за безбедност откако беше пронајдена “лабораторија за правење бомби“, по што се приведени шест лица во два одвоени случаи.

Директорот на унгарскиот Центар за борба против тероризам, Јанош Хајду, денеска изјави дека две лица, во чии автомобили биле пронајдени автоматски пуши, муниција и придушувачи, биле приведени во петокот на 20 ноември.

Ден подочна четири лица беа приведени во предградието на Будимпешта, откако во нивниот автомобил бил пронајден експлозив. Хајду изјави дека во текот на претресот во една од куќите пронајдена е лабораторија за правење бомби и експлозивни направи.

Тој додаде дека вториот случај има “меѓународни импликации“ но се уште е рано да се зборува за евентуална поврзаност со исламските екстремисти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.