Дебакл на Рома на „Камп Ноу“, Арсенал се враќа во игра, Порто си ја закомпликува ситуацијата (видео)

Со мечевите од петтото коло во групите Е, Ф, Г и Х продолжи натпреварувањето во Лигата на шампионите по паузата за репрезентативни настапи.

Каталонскиот гигант Барселона беше немилосрдна против Рома поразувајќи ја на домашен терен со високи 6-1. Два гола на Суарез, два на Лионел Меси и по еден гол на Пике и Кореиа ја одбележаа вечерта во Барселона која ќе остане за паметење. Единствениот гол за Рома беше дело на Един Џеко во 91.минута. Тој немаше своја вечер бидејќи начисто се изнапромашува од изгледни ситуации пред голот на Барса.
На овој натпревар можеше многу лесно да се постигнат и уште неколку голови бидејќи Нејмар и Џеко промашија и по еден пенал, односно голманите Шчесни и Тер Штеген ги прочитаа изведувачите и ги одбранија ударите.

All Goals | Barcelona 6-1 AS Roma 24.11.2015 HD by EuropeanLeagueLiveGoal

Во групата Ф, Арсенал му се одмазди на Динамо Загреб за поразот на првиот меѓусебен дуел во Хрватска, сега во Лондон славејќи со 3-0. Озил во 29. минута го отвори резултатот, а во 33. минута Алексис Санчез зголеми на 2-0. Санчез со вториот свој гол во второто полувреме заокружи на 3-0.

Arsenal 3-0 Dinamo Zagreb HD – All Goals and… by zidanekrisz

На Порто му беше потребен само бод вечерва против Динамо Киев на „Драгао“, но гостите од Украина приредија изненадување победувајќи со 2-0 и со тоа комплетно ја сменија сликата на табелата, и сега со евентуална победа на домашен терен во последното коло против Макаби може лесно да се најдат во следнта рунда бидејќи имаат осум бода, два помалку од Челси и Порто на првите две позиции кои во меѓусебниот дуел на „Стенфорд Бриџ“ ќе одлучуваат кој ќе оди понатаму. Јармоленко и Гонзалес беа стрелци на головите за Динамо Киев.

FC Porto vs Dynamo Kiev 0-2 All Goals & Full… by EarthSavii

ГРУПА Е:
Барселона – Рома 6-1
БАТЕ Борисов – Баер Леверкузен 1-1
ТАБЕЛА: Барселона 13 бода, Баер Леверкузен 5, Рома 5, БАТЕ Борисов 4 бода

ГРУПА Ф:
Баерн Минхен – Олимпијакос 4-0
Арсенал – Динамо Загреб 3-0
ТАБЕЛА: Баерн Минхен 12 бода, Олимпијакос 9, Арсенал 6, Динамо Загреб 3 бода

ГРУПА Г:
Макаби Тел Авив – Челси 0-4
Порто – Динамо Киев 0-2
ТАБЕЛА: Челси 10 бода, Порто 10, Динамо Киев 8, Макаби Тел Авив без бодови

ГРУПА Х:
Зенит – Валенсија 2-0
Лион – Гент 1-2
ТАБЕЛА: Зенит 15 бода, Гент 7, Валенсија 6, Лион 1 бод

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.