„Качаник, градот на борците на ИД“- Италијанска вознемирувачка репортажа (видео)

Италијанска новинарска екипа направиле репортажа со семејствата на џихадистите од Качаник на Косово. Емисијата „Le iеne” e наречена „Качаник, градот на борците на ИД“, трае десетина минути, а била прикажана на италијанскиот ТВ Канал 5.

Качаник е место со околу 300 илјади жители, а новинарот разговарал со околу 30 семејства чии членови се борат во Сирија на страната на ИД. Најопасен, како се наведува, е главниот лик во репортажата, Љавдим Мухаџери.

Следен од локален таксист, италијанскиот новинар успеа да раговара со семејството на познатиот „џелат“ за насловите во весниците каде Мухаџери убива млад човек.

Неговите браќа го виделе видеото со убиството, коментирајќи дека е видео-монтажа.

Имамот од Качаник вели дека знае дека се работи за терористи и дека правилата на исламот во Качаник се поекстремни.

Репортажата завршува со пораката на таткото на еден борец кој заминал за Сирија без негова согласност. Тој не се согласува со војувањето за ИСИС и сака да ја подигне свеста за сите кои се прелажани.

Репортажата е снимена летото годинава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.