Срам за Реал на „Сантијаго Бернабеу“, Барса до врв им ја наполни мрежата на „кралевите“ (видео)

Тоа што требаше да биде дерби, се претвори во голем срам за Реал Мадрид. Каталонскиот гигант Барселона убедливо се прошета низ главниот град на Шпанија и до врв му ја наполни мрежата на својот вечен ривал.
Суарез, Нејмар, Меси и другарите триумфално си заминуваат од „Сантијаго Бернабеу“ со четири гола во мрежата на домаќинот.

Во текот на целиот натпревар Барса демонстрираше моќ, квалитет и знаење како да се стигне до победата. Уште од самиот старт на големата дерби пресметка јасно беше кој тактички и технички е подготвен за радост. Луис Енрике тотално го надмудри Рафа Бенитез, а во белите дресови немаше никој кој може да ги запре Луис Суарез, Андрес Иниеста и Нејмар.

Луис Суарез во 11. минута ги доведе Каталонците до водство, а Нејмар на асистенција на Иниеста во 39. минута зголеми на 0-2.

Во второто полувреме, и самиот Иниеста во 52. минута со прекрасен гол по одличната акција со Нејмар се запиша во листата на стрелците, за да Луис Суарез како што го почна така и го заврши мечот со погодокот во 74. минута.

Real Madrid 0-4 Barcelona HD | All Goals and… by zidanekrisz

Колку беше фрустрацијата кај играчите на Реал од катастрофалниот пораз, покажува и директниот црвен картон на Иско откако намерно го удри Нејмар во 84.минута.

RED CARD for Isco // Real Madrid 0 – 4… by flashhighlights

По оваа победа Барселона се зацврсти на врвот од табела, сега со 30 бода, шест повеќе од второпласираниот Реал Мадрид.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.