Харден со 45 поени го сруши Портланд, Новицки како во најдобрите денови (видео)

По четири натпревари пост без победа, „Ракетите“ од Хјустон благодарејќи на Џејмс Харден кој реализираше 45 поени и 11 асистенции славеа победа над Портланд по едно продолжение од 108-103. Сепак клучен момент од натпреварот беше тројката на Кори Бруер во последната секунда од регуларниот дел кога успеа да го измрани резултатот.
Бруер мечот го заврши со 16 поени, а Хауард беше стрелец на седум поени, но доминантниот центар имаше и 19 скокови.

Крајно возбудливо истотака беше во Бостон, каде домаќините беа поразени од Далас со 102-106. Селтикс водеа во текот на речиси целиот натпревар, имаа и 18 поени предност, но Далас предводен од Дирк Новицки направи голем пресврт. Германецот натпреварот го заврши со 23 постигнати поени.

Расел Вестбрук се погрижи отсуството на Дурант да не се почувствува на мечот со Њу Орлеанс, што тимот на Оклахома сити тандер го доби со 110-103. Вестбрук го заврши мечот со 43 поени, 9 скокови и 8 асистенции, а двоцифрен ефект кај победничката екипа имаше само уште Енес Кантер, кој стигна до дабл-дабл од 24 поени и 14 скокови.

НБА резултати:
Феникс – Чикаго 97-103, Јута – Торонто 93-89, Атланта – Сакраменто 103-97, Оклахома сити – Њу Орлеанс 110-103, Хјустон – Портланд 108-103 (по прод.), Сан Антонио – Денвер 109-98, Филаделфија – Индијана 85-112, Шарлот – Бруклин 116-111, Орландо – Минесота 104-101 (по прод.), Бостон – Далас 102-106.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.