Се судрија пет возила во Аеродром, две лица се повредени (фото)

Двајца возачи се повредени во сообраќајна несреќа во која учествувале пет возила во скопски Аеродром.

Несреќата се случила на крстосницата на булеварите „Трета македонска бригада“ и „Србија“, а во неа учествувале три патнички и две товарни возила, од кои четири со скопски и едно со струшки регистерски ознаки.

Според првичните информации во сообраќајката се повредени возачите на „рено меган“ и „опел вектра“, кои се пренесени во Ургентен центар, но засега нема детали за нивната здравствена состојба.

Полициски екипи се на терен и во тек е увидот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.