Две лица, за кои се претпоставува дека се џихадисти, биле уапсени на грчкиот остров Кос.
Според медиумите, однесувањето на двајцата мажи било многу сомнително и затоа се проверува нивната поврзаност со групата Исламска држава (ИД).
Мигрантите, за кои се претпоставува дека се Сиријци, се уапсени вчера изутрина.
Весникот „Елефтерос типос“ пишува дека во мобилните телефони на мигрантите се пронајдени фотографии од оружје и борци на ИД. На една од фотографиите едниот од уапсените позира покрај знаме на џихадистичката организација.
По терористичките напади во Париз грчката крајбрежна контрола е зајакната.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
