Кари е незапирлив, Леброн го мина Вест на вечната листа (видео)

Синоќа во НБА лигата беа на програмата седум натпревари. Вечерта ја одбележаа неверојатните Стефон Кари и Леброн Џејмс.
Ѕвездата на Голден Стејт повторно беше најдобар за својот тим во новата победа од 115-110. Актуелниот шампион е незапирлив со 12 победи од исто толку натпревари во новата сезона. Кари постигна 37 поени за продолжување на низата.
„Кралот“ Леброн со Кливленд го забележа само третиот пораз откако ноќеска беше поразен на гостувањето кај Детроит од 104-99, но Џејмс постигна 30 поени и го мина „логото“ на НБА лигата, легендарниот Џери Вестна 19.место на вечната листа на стрелци. Просекот на Џејмс оваа сезона изнесува над 27 поени по натпревар и ако ги одигра сите 82 натпревари во регуларниот дел, тој ќе се искачи до десеттото место на вечната листа минувајќи го Хаким Олајџувон со 26.946 поени.

НБА Резултати:
Вашингтон – Милвоки 115-86, Бруклин – Атланта 90-88, Детроит – Кливленд 104-99, Мајами – Минесота 91-103, Њујорк – Шарлот 102-94, Њу Орлеанс – Денвер 98-115, Голден стејт – Торонто 115-110

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.