Дел Боске: Човечките животи се најбитни, фудбалот е игра и забава

Пријателскиот фудбалски натпревар меѓу репрезентациите на Белгија и Шпанија што требаше вечерва да се одигра во Брисел со почеток од 20.45 часот е одложен, откако фудбалската федерација на домаќинот не доби цврсти гаранции за безбедноста на актерите и на посетителите на стадионот.
Селекторот на Шпанија, Висенте дел Боске, жали поради откажувањето на мечот, но, сепак нагласува дека човечките животи се поважни од фудбалската игра.

– Тажни сме што нема да се одигра еден голем фудбалски меч, но откако владата на Белгија истакна дека не може да ја гарантира безбедноста, сакавме што е можно побрзо да се вратиме во Мадрид. Човечките животи се најважни, а фудбалот е, пред сè, игра и забава – изјави Дел Боске.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.