Нашиот најреномиран илузионист, Георги Гавровски (Гого Реквием) продолжува да реди успеси на Интернационално ниво и сеуште е единствениот претставник на Македонија надвор од нејзините граници, кога е во прашање натпреварување во категорија магија од блиску и ментализам.
Пред 3 недели Гого беше дел од семинарот на тема “Магија од блиску” во Софија, на кој присуствуваа огромен број магионичари од цела Бугарија.Минатата недела (07.11.2016) Гого Реквием се натпреваруваче во својата категорија во Марибор (Словенија), на Интернационалниот конгрес на магионичари од цела Европа.
Во конкуренција каде што учество зедо натпреварувачи од Франција, Италија, Австрија, Чешка, Полска, Швајцарија, Германија, Унгарија, Словенија, Хрватска, Бугарија и Србија, Гого се закити со сребрен медал (2-ро место) во категорија “Магија од блиску” и повторно докажа дека е еден од најдобрите магионичари во Европа, во оваа категорија.
Следната дестинација на Гого е Лондон, каде на 23.11.2015 по специјалната покана ќе присуствува на собирот на англиските магионичари во едната од најпознатите светски групации “Magic circle” (Магичниот круг) и таму ќе има свое 20 минутно претставување со своите рутини.
На 24.11.2015 Гого ќе ја има можноста да присуствува на шоуто на најпознатиот светски менталист Derren Brown, како еден од ВИП гостите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
