Сириските исламисти почнаа да ја менуваат својата тактика, изјави портпаролот на Министерството за одбрана во Москва, Игор Конашенков.
Поради операцијата на воздухопловните сили на најголемата држава во светот, членовите на „Исламската држава“ и на единицата на светската терористичка мрежа „Ал каеда“, „Фронт ан Нусра“ не влегуваат во директни борби со армиски единици и со милиции лојални на претседателот на блискоисточна земја, Башар Асад.
– Сега терористите почнуваат да извршуваат ноќни маневри и напаѓаат во темница – рече тој.
Конашенков претходно изјави дека руските воздухопловни сили во изминатите три дена извршиле 137 полети. – Разурнати се 448 објекти на терористите во различни делови на Сирија – појасни тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
