Европскиот шампион со тројка на три секунди до крајот се спаси од пораз (видео)

Европскиот шампион Реал Мадрид можеше многу лесно да доживее пораз на својот паркет од Баерн Минхен во рамките од четвртото коло во кошаркарската Евролига.
Двата тима одиграа одличен натпревар со многу поени во кој уживаа сите присутни во салата. Победи посреќниот тим, Реал кој со тројка на само три секунди до крајот дојде до предност од 101-99 и ја прокнижи и втората победа. Херојот за „кралевите“ беше Џејси Керол кој искористи едно одлично додавање од Серхио Родригез ја постигна клучната тројка. Најефикасни играчи во белиот дрес беа Фелипе Реес и Руди Фернандез со 20 поени, додека кај гостите се истакнаа Џедовиќ и Ренфри со 22 односно 21 поен.

Кога е во составот на ЦСКА Москва и е на паркетот тогаш се знае дека магијата неможе да изостане. Српскиот кошаркар Милош Теодосиќ беше најзаслужен за победата на својот тим на тешкото гостување во Турција кај Дарушафака. ЦСКА победи со 80-75, а токму Теодосиќ беше најзаслужен реализирајќи 22 поени и девет асистенции. Московскиот тим по четири кола има стопроцентен учинок и е еден од тимовите кои се во најтесниот круг за освојување на титулата во Евролигата оваа сезона.

Резултати четврто коло:

Група А:

Химки – Стразбур 88-62
Реал Мадрид – Баерн Минхен 101-99
Црвена звезда – Фенербахче (20 часот)

Табела: Химки 3-1, Фенербахче 2-1(-1), Реал 2-2, Баерн 2-2, Црвена звезда 1-2(-1), Стразбур 1-3

Група Б:

Лаборал Куча – Анадаолу ЕФес 92-90
Олимпијакос – Лимож 75-49
Милано – Цедевита 68-77

Табела: Лоборал 3-1, Олимпијакос 3-1, Цедевита 2-2, Анадолу 2-2, Милано 1-3, Лимож 1-3

Група Ц:

Локомотив Кубан – Пинар Каршијака (18 часот)
Жалгирис – Барселона (18.45 часот)
Зиелона Гора – Панатенаикос (19 часот)

Група Д:

Дарушафака – ЦСКА Москва 75-80
Броус Баскет – Макаби 77-66
Уникаха – Сасари (20.45 часот)

Табела: ЦСКА 4-0, Уникаха 3-0(-1), Броус баскет 2-2, Дарушафака 1-3, Макаби 1-3, Сасари 0-3(-1)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.