Мистериозна смрт: Новинарка на „Би-Би-Си“ пронајдена обесена на аеродромот во Истанбул

Поранешната новинарка на „Би-Би-Си“, Џеки Сатон, е пронајдена обесена на истанбулскиот аеродром Ататурк, а нејзините пријатели сметаат дека е невозможно да извршила самоубиство и тврдат дека е убиена.

Џеки Сатон патувала од лондонскиот „Хитроу“ и слетала во Истанбул, каде што го пропуштила летот за ирачки Ербил. Локалните медиуми јавуваат дека била вознемирена, бидејќи морала да купи нова карта, а нејзиното тело, обесено во тоалетот, подоцна го пронашле тројца руски патници.

Сите што ја познаваат се скептични дека таа извршила самоубиство.

– Најцврстата жена што сте можеле да ја запознаете, а турската полиција вели дека таа извршила самоубиство, бидејќи задоцнила на лет – напиша на „Твитер“ нејзиниот пријател и колега, Кристијан Бауер.

– Јас не сум за теории на заговор, но ако Турците велат дека безбедносната камера на Ататурк била расипана, тогаш Џеки е убиена – додава тој..

Сатон работела како директорка на Институтот за известување за војна и мир, организација која ги поддржува активностите на новинарите во кризни ситуации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.