Бејл ќе го смени агентот поради тоа што не сака конфликт со соиграчите! (видео)

Најдобриот велшки фудбалер Герет Бејл сериозно размислува да го смени својот агент поради неговите невкусни изјави за неговите соиграчи од Реал Мадрид.
Познато е дека неговиот агент Џонатан Барнет има долг јазик и често дава контраверзни изјави за соиграчите на Бејл во Реал Мадрид.
Тој минатата година јавно го критикуваше тренерот Карло Анчелоти, но и целиот тим дека не му помага на Бејл.
Пред неколку дена тој имаше и уште еден гаф. Говорејќи за својот клиент не се воздржа и индиректно го нападна Кристијано Роналдо.

– Него не го интересира да продава милион гаќи, ниту да биде модел – изјави Барнет.

Оваа изјава го налути Роналдо, но не му замери на неговиот соиграч. Велшанецот сака да ги расчисти сите недоразбирања, а шпанските медиуми јавуваат дека му се извинил на Португалецот.

Згора на тоа, Бејл сериозно ја разгледува и можноста да ја прекине 11-годишната соработка со Барнет поради најновиот инцидент.

„Ас” дури и објави видео од последниот тренинг на Реал Мадрид на кое се гледа ракување на двајцата фудбалери, за кои се верува дека не се најдобри пријатели, но дека имаат сосема солиден и коректен однос без оглед на разноразните шпекулации.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.