Аргентискиот репрезентативец Серхио Агуеро одигра само 22 минути за својата репрезентација во првиот квалификациски натпревар за Светското првенство против Еквадор која неговата репрезентација го загуби со 0-2. Тој мораше предвреме на до напушти мечот поради повреда на задната ложа.
Тоа е голем удар за неговиот тим Манчестер Сити бидејќи долго беше отсутен од терените поради сличен проблем. Минатиот викенд голгетерот постигна фантастични пет гола во победата над Њукасл од 6-1 во рамките од премиерлигата, и се мислеше дека проблемите се веќе зад него.
Тој сигурно го пропушта и следниот дуел на Аргентина против Парагвај во мундијалските квалификации, а медицинските прегледи ќе покажат колкава пауза ќе има фудбалерот на Сити. Првичните прогнози се дека ќе биде надвор од терените еден месец.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
