Британски милионер со автомобил влетал во публика, 26 повредени (видео)

Британскиот милионер Пол Бејли (55) влетал со „порше 918 спајдер“ во публика и повреди 26 луѓе. Инцидентот се случи за време на рели шоуто кој се одржува во Малта и на кое повеќе стотици луѓе пристигнале како публика.

Околу 14 часот, „поршето“ налетало на тревна површина и возачот ја загубил контролата. Автомобилот судрил во бариера зад која стоеле луѓе. Од 26 повредени, петмина имаат тешки повреди. Помеѓу потешко повредените се возачот на „поршето“ и девојче (6) кое е во критична состојба.

Шоуто, кое било со хуманитарен карактер, веднаш било прекинато. Бејли инаку, освен споменатото „порше“ поседува и „мек ларен р1“ и „ферари ла ферари“. Тие три автомобили вредат повеќе од четири милиони евра. Со продажбата на неговата компанија која се занимава со телекомуникации во 2012 година, Бејли заработил 38 милиони евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.