Арсенал дербито против Манчестер Јунајтед го реши за 19 минути за победа од 3-0 (видео)

Екипата на Арсенал буквално го прегази Манчестер Јунајтед во дербито во премиерлигата откако високо го порази со 3-0. Избраниците на Арсе Венгед покажаа допадлив фудбал и уште од првата минута тргнаа офанзивно кон голот на Јунајтед.
Алексис Санчез блескаше на овој натпревар постигнувајќи два гола, а токму тој го отвори резултатот во шестата минута со прекрасен гол со петица, а само една минута подоцна и Месут Озил ја погоди мрежата на големиот ривал.
Во 19.минута, Санчез го постигна својот втор гол, зголеми на убедливи 3-0 и практично го реши овој дуел уште во раната фаза. Избраниците на Луј ван Гал делуваа загубено и не успеаја резултатски да се вратат во игра до крајот на средбата.

Во вториот денешен натпревар во терминот од 17 часот во АНглија, Свонси и Тотенхем ги поделија бодовите и одиграа 2-2, а двоен стрелец за гостите беше Кристијан Ериксен.

ARSENAL 3-0 MANCHESTER UNITED ALL GOALS by justkids

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.