Унгарската Влада доби право да ја користи армијата за совладување на кризата со имигрантите

Унгарскиот Парламент усвои закон, кој дозволува на Владата да испраќа војска да помага на полицијата за совладување на кризата со имигрантите.

Одобрениот предлог-закон и дава право на војската да врши задачи како утврдување идентитет, апсење на осомничени и контролирање на сообраќајот по границите.

И покрај тоа што војниците ќе бидат вооружени, унгарските власти ветија дека сила ќе биде применета само во краен случај.

Законот утврдува дека армијата може да употребува гумени куршуми, пиротехнички средства и солзавец.

Предлог-законот, поднесен од Владата на Виктор Орбан, кој ја бараше поддршката на две третини од Парламентот, беше усвоен со 151 гласови „за“, 12 „против“ и 27 воздржани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.