ООУ „Васил Главинов“ во Велес се поставува лифт за лицата со посебни потреби, а воедно се уредуваат и тоалетите на први и втори кат.
Раководителот на Вардарскиот плански регион Марко Колев заедно со велешкиот градоначалник и претседател на Советот на Вардарскиот плански регион Славчо Чадиев и градоначалникот на Кавадарци Александар Панов, денеска го посетија ООУ „Васил Главинов“ во Велес и направија увид во изведбата на лифтот.
Колев информираше дека Вардарскиот плански регион овој проект и останатите неколку во уште некоку општини го реализираат со 50 проценти средства од УНДП и по 25 проценти од општините кои се влучени во негова реализација, односно Кавадарци, Росоман, Чашка и Градско, или во вредност од 5 милиони денари.
Во рамки на овој проект за помош на лицата со посебни потреби во Кавадарци ќе се постави лифт во ООУ„Гоце Делчев“ и во општинската зграда.
Како што изјави градоначалникот Панов тендерот е во тек и до крајот на месецов ќе биде познат изведувачот кој треба да ги реализира работите. – Овој проект воедно не мотивира од општинската каса за лицата со посебни потреби, освен овој за проект, да издвојуваме и за изградба на пристапни рампи и тоалети во повеќе јавни установи во Кавадарци, потенцира Панов.
Колев информира дека во општините Росоман, Чашка и Градско изработени се летниковци за лицата со посебни потреби.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
