Асад ќе замине од власт само ако тоа го побара народот

Сирискиот претседател Башар ал Асад изјави дека ќе замине од власт само ако тоа го побара сирискиот народ, а не под притисок од Запад.

– Што се однесува до функцијата претседател, тој доаѓа на власт со прифаќање од народот на избори, а ако заминува од власт, тоа го прави ако народот го побара, а не поради судот на САД, Советот за безбедност на ОН или Женевски конвенции- изјави Асад во интервју за руските медиуми.

Асад истакна дека претседателот останува на власт, ако народот сака тој да остане на власт, а во спротивно би требало брзо да се симне од власт.

Помошта од Иран, што Сирија ја снабдува со воена технологија, е клучна во борбата против тероризмот, изјави Асад, нагласувајќи дека Техеран нема воени единици во Дамск.

Асад, исто така, истакна дека коалицијата предводена од САД досега не успева да спречи ширење на групата „Исламска држава“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.