Франциско: Причина за миграциската криза е неправедниот економски систем

Папата Франциско изјави дека неправедниот глобален економски систем, кој ги поставува парите на повисоко ниво од човекот, е главна причина за миграциската криза во Европа и на другите места.

– Главна причина е лошиот и неправеден социјално-економски систем. Неправеден, бидејќи и кога станува збор за еколошки, политички прашања, луѓето веќе не се во центарот на внимание. Економскиот систем го става во преден план богот на парите- наведува папата.

Според него, потребни се повеќе напори за воспоставување мир и благосостојба во земјите, од каде бегаат луѓето.

Поглаварот на Римокатоличката црква настојува мигрантите „да имаат покрив над главата, да бидат добро прифатени и интегрирани во општеството“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.