ЛШ: Динамо со пресврт до гостинска победа, Валенсија со едната нога е веќе во групната фаза (видео)

Екипата на македонскиот репрезентативец Аријан Адеми, Динамо Загреб со победа се враќа дома од гостувањето во Елбасан каде го одигра првиот натпревар од бараж двомечот со албанскиот шампион Скендербег. Адеми не настапи на овој меч поради повреда, но неговите другари со целосен пресврт успеаја да победат со 2-1 и да направат голем исчекор кон групната фаза од Лигата на шампионите.

Скендербег дојде во водство преку Шкемби во 37.минута со прекрасен гол од слободен удар. Динамо успеа да слави победа со целосен резултатски пресврт во второто полувреме откако најпрвин Судани во 66.минута го израмни резултатот, а победата ја донесе Пивариќ во судиското продолжение.

Валенсија славеше против Монако со 3-1 на домашен терен. Шпанците први дојдоа до водство со голот на Родриго во 4. минута, а гостите израмнија преку Пашалиќ во 48. минута. До триумфот Валенсија стигна со погодоците на Парехо во 59. минута од средбата и Фегули во 86. минута. Со оваа победа Валенсија е на чекор до групната фаза од Лигата на шампионите.

Во останатите мечеви, Селтик славеше минимална победа од 3-2 на домашен терен против Малме, и ќе треба да се помачи на гостинси терен бидејќи Малме денеска беше рамноправен противник.

Базел не успеа да слави на домашен терен против Макаби Тел Авив одигривајќи само 2-2. Швајцарците се наоѓаа на чекор до победата, но гостите од Израел успеаја да го израмнат резултатот во шестата минута од судиското продолжение преку двојниот стрелец Зехави.

Единствената гостинска победа ја оствари Шахтјор над Рапид Виена и се чини дека пред своите симпатизери нема да има поголеми проблеми за пласман во групната фаза од Лигата на шампионите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.