Манчестер Сити најави борба за самиот врв во Премиер лигата оваа сезона (видео)

Со последниот натпревар од премиерното коло во Англија, Манчестер Сити на гостински терен лесно со 3-0 славеше против ВБА и според играта најави дека е еден од најсериозните кандидати за освојување на титулата оваа сезона.
Избраниците на Мануел Пелегрини супериорно го надиграа својот противник и многу бргу поведоа со 2-0 со головите на играчот за врска на Сити, Јаја Туре.
Првиот среќно откако топката по патот накај мрежата на ВБА го удри Досон и едвај се дотркала до голот, а вториот беше вистинско ремек-дело откако Туре со удар од дваесетина метри го погоди левиот горен агол од голот на немоќните домаќини.
Сите дилеми околу победникот во второто полувреме ги разреши капитенот Компани, кој со глава зголеми на 0-3.

Овој триумф на Манчестер сити е одлична увертира за „граѓаните“ за дербито на второто коло, во кое избраниците на Пелегрини ќе го пречекаат шампионот Челси.

За Манчестер Сити свое деби имаше и најскапото засилување за тимот во летниот преоден рок, Рахим Стерлинг.

Yaya Touré Fantastic Goal | West Bromwich 0-2… by videonuyukle

Vincent Kompany 0:3 Amazing Goal | West… by footballTV

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.