Богаташ го однел синот да види како живеат сиромашните

Богат човек одлучил да го земе својот помлад син на пат, за да ја научи лекцијата за тоа како изгледа да се биде сиромашен. По патувањето, таткото бил изненаден од реакцијата на неговиот син.

Оваа инспиративна приказна ја постави Ден Асмусен на неговот Фејсбук профил, која со неверојатна брзина се прошири на социјалните мрежи.

А приказната почнува вака:

– Еден ден, таткото го однел својот син на пат во една земја за да му покаже како изгледа да се биде сиромашен. Минале неколку дена и ноќи на една фарма кај семејство за кое може да се каже дека е сиромашно.

По завршеното патување, таткото го прашал синот дали му се допаднал патот.

– Беше одлично тато, рече синот.

– Дали гледаш колку можат луѓето да бидат сиромашни?, го прашал таткото, на што момчето рече О, да.

– Што научи на ова патување? , а синот одговори следново:

– Видов дека ние имаме едно куче, а тие имаат четири. Ние имаме базен насред двор, а тие имаат река на која не се гледа крајот. Ние имаме многу ламби по нашиот двор, додека тие имаат ѕвезведно небо. Нашиот двор е заграден и ограничен, додека тие имаат цел хоризонт. Ние имаме мал дел од земјата на која живееме, доде тие имаат пространство кое нема граници. Ние имаме слуги кои не служат, додека тие други услужуваат. Ние купуваме храна за нас, додека тие ја одгледуваат за себе. Ние имаме ѕидини околу нашиот имот за да не чува, додека тие имаат пријатели кои тоа го прават.

Таткото на момчето занемел кога синот го раскажал своето доживување, на што момчето само додало дека од ова патување тој сфатил дека тие се оние кои всушност се сиромашни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.