Времето во Македонија денеска ќе биде сончево со мала до умерена облачност. Попладне во југозападните и западните делови ќе има локална појава на нестабилност со краткотраен пороен дожд и ретки грмежи. Ќе дува слаб до умерен ветер од променлив правец.
Утринската температура во земјава ќе биде во интервалот од 13 до 21, а дневната од 29 до 36 степени. УВ ќе биде 8.
Во Скопје времето ќе биде сончево со мала до умерена облачност во текот на денот. Ќе дува слаб до умерен ветер од североисточен правец.
Утринската температура ќе се спушти до 19, а дневната ќе достигне до 35 степени.
Утре и до средината на идната недела ќе се задржи сончево и топло време со мала до умерена облачност. Во попладневните часови во западните и југозападните делови ќе има локален развој на нестабилна облачност со краткотраен пороен дожд и грмежи, особено во понеделник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
