мериканскиот генерал Двајт Ајзенхауер, кој беше 34 претседател на САД, бил против употребата на атомски бомби над јапонските градови Хирошима и Нагасаки во 1945 година, се наведува во сведоштвата објавени од Архивата за национална безбедност на Вашингтонскиот универзитет.
Сведоштвата се извадоци од личниот дневник на Ајзенхауер. Дневникот до неодамна бил кај негов соработник, некогашниот американски амбасадор во СССР, Аверил Хариман.
Од дневникот на Ајзенхауер станува јасно оти тој се надевал дека Втората светска војна може да заврши и без атомските бомби. Тој се обидел да го убеди тогашниот американски претседател Хари Труман да се откаже од употребата на нуклеарно оружје против Јапоннија.
За време на Втората светска војна Ајзенхауер раководи со десантот на сојузничките војски во Нормандија на 6. јуни 1944 година. Ајзенхауер станува претседател на САД во 1953 година.
На 6 и на 9 август се навршуваат 70 години од употребата на атомски бомби над Хирошима и Нагасаки, при што загинаа над 450.000 луѓе.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
