Ибрахимовиќ: Можеби ова беше мојот последен натпревар во дресот на ПСЖ (видео)

Шведскиот интернационалец и еден од најдобрите напаѓи во светот, Златан Ибрахимовиќ синоќа одигра одличен натпревар за ПСЖ во суперкупот на Франција против Лион што се одигра во Монтреал.
ПСЖ лесно славеше со 2-0 со головите на Орие во 11 и Кавани во 18 минута. Победата можеше да биде изразена и со поголема разлика, бидејќи „светците“ доминираа во текот на целиот натпревар. Сепак Златан Ибрахимовиќ и другарите промашија неколку изгледни шанси за гол.
Фудбалските фанови во Канада можеа да уживаат во фудбалските мајстории на избраниците на Лорен Блан.

2-0 Edinson Cavani Goal HD _ Paris Saint… by Zidanekriisz

По натпреварот првата ѕвезда во тимот на ПСЖ изјави дека можеби ова бил последниот натпревар што го одиграл за тимот од Париз.

– Можеби ова беше и мојот последен меч во дресот на ПСЖ. Следната седмица ќе треба да донесам неколку важни одлуки – изјави Златан Ибрахимовиќ.

Тој последната недела ги шокираше сите со изјавите дека неговиот нов тим ќе биде изненадување за сите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.