Времето денеска во Македонија ќе биде променливо облачно и малку посвежо. Ќе има повремени локални и краткотрајни врнежи, кои на места ќе бидат проследени со грмежи.
Според УХМР, врнежите повеќе ќе бидат застапени во планинските подрачја, но претежно во утринските и во доцните вечерни часови.
Ќе дува слаб до умерен ветер од северозападен правец, а по Повардарието повремено ќе се засилува.
Утрнската температура во земјава ќе биде во интервалот од 14 до 21, а највисоката се очекува да достигне од 33 до 38 степени. Вредноста на УВ ќе изнесува 8.
Во Скопје времето ќе биде променливо облачно со сончеви периоди со услови за краткотраен дожд и со умерен до засилен северозападен ветер.
Утринската температура ќе се спушти до околу 19, а највисоката дневна ќе достигне до 36 степени.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
