Како Саше Политико и Билјана Секуловска прават заговор против Пешевски (видео)

Саше Ивановски – Политико по инцидентите кои ги направи кон поголемиот број политичари во изминатиот период, вчера попладен предизвика инцидент со Владимир Пешевски, вицепремиер во Владата на Македонија. Инцидентот се случи на булеварот „Климент Охридски“. Ова е трет настан во кој Ивановски едноподруго атакува врз вицепремиерот Пешевски преку разни провокации.

Ивановски сосема координирано со соросовата новинарка Билјана Секуловска предизвикуваат инцидент, за подоцна да глумат жртва. Од снимката од безбедноснте камери се гледа дека Саше Политко иако најнапред седнува на соседната маса и глуми дека не се ни познава со новинарката Билјана Секуловска, тој е во целосна координација со неа. Најверојатно токму Секуловска најпрво го известува Политико за тоа дека вицепремиерот Пешевски се наоѓа во ресторанот, по што Ивановски доаѓа за да го исполни сценариото кое го креираат со новинарката на Нова ТВ.

Веднаш откако стана вицепремиерот Пешевски, Политико се втурнува кон него загрозувајќи му ја приватноста, вербално напаѓајки го со потенцијал и физички да се пресмета со него, а сето тоа уште од почетокот по претходен договор го снима Секуловска.

По расправијата, Саше Политико ја постигнува целта, се враќа во ресторанот и иако на почетокот глумеа дека не се познаваат, си подава рака со Секуловска и си честитаат поради завршената провокација.

Вицепремиерот Пешевски вчера на својот ФБ профил напиша дека агресивноста не може да биде решение на проблемите, исто како и загрозување на приватноста и безбедноста.

Пешевски појаснува дека се работи за трет настан поврзан со истата личност. Првиот настан се случил кога бил со сопругата и неговите деца на медицински третман за најмалиот син во Битола, кога чекајќи на паркинг, Ивановски низ отворен прозор се внесол во самото возило со провокации. Тогаш Пешевски го затворил прозорот и го напуштил местото, не сакајќи пред децата да прави инцидент.

Пред да се случи самиот инцидент со Ивановски, имало провокации кон масата каде што седел Пешевски од други лица од соседна маса на која седела соросовата новинарка Билјана Секуловска.

– Пред да се случи самиот инцидент со Ивановски, имаше провокации кон мојата маса од соседна маса од други лица, на кои немав никаква реакција. Очигледно е дека истите лица од соседната маса кои провоцираа и дофрлаа навреди на мое лично ниво, а кои потоа и го снимаа настанот, го повикаа Ивановски да дојде и да ја направи својата веќе стандардна провокација. Кога се појави Ивановски, и јас решив да си одам, знаејќи дека се работи за лице кое се поврзува со голем број на инциденти, со нестабилно однесување, и лице кое и претходно има направено инвазија на мојот личен простор. Потоа, кога ми се приближи од зад грб, реагирав одбранбено и инстиктивно. Мојата реакција беше пресилна и преемотивна, но при тоа сепак немаше никаков физички контакт меѓу мене и Ивановски, што може да се види ако внимателно се погледне снимката, додава Пешевски.

Во јавноста нема дилеми дека Саше Политико е платеник пратен од СДСМ и вчера јасно се виде дека позади ова стои директно СДСМ, што и се гледа од нивното стимулирање на вакви инциденти, а денес и организирање на протести преку нивниот измислен ад хок новинарски соросоидски пленум.

Сето ова според познавачите ја докажува немоќта на СДСМ и фрустрацијата поради слабата поддршка од граѓаните. Најголемата опозициска партија води тактика со која се обидува преку вознемирувања, провокации, кавгаџиство и навредување на лична и семејна основа да го изрази својот очигледен бес од крахот на нивните политики.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.