Грците навалија во Битола по купување златници

Грците навалија во Битола во златарите, со намера да купуваат златници. Така ќе ги зачуваат заштедите во евра, велат во чаршијата, пишува „Мета“.

– Кризата ги натера Грците, заштедите во евра да ги преточат во златници. Кај нас златото е поевтино, па бараат златници по нашите златарници или купуваат големи парчиња златен накит. Половина златник кај нас чини околу 10.000 денари – вели дуќанџија во Старата битолска чаршија.

По злато Грците почнале да одат и во Прилеп, Кичево и во Дебар.

Грците доаѓаат и по поевтин бензин и по цигари во Битола. Продавач на бензин во една од бензинските пумпи лоцирани накај граничниот премин Меџитлија, тврди дека Грците од северот на земјата доаѓаат само до бензинските пумпи и веднаш се враќаат назад.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.