Унгарскиот парламент одобри подигање ѕид на границата со Србија

Унгарскиот парламент денеска усвои закон со кој се заоструваат правилата за азил и се дава правна основа за подигнување ограда долж границата со Србија, за да се спречи прилив на илегални мигранти.

Со законот се скратува периодот за проверка на азилантите, а на Будимпешта и се дава можност да отфрла барања на азиланти од Сирија, Авганистан или Ирак кои претходно минале низ некоја безбедна држава.

ОН и Советот на Европа претходно го критикуваа предложениот закон, со оцена дека со него се ослабува заштитата на бегалците во Унгарија.

Унгарскиот премиер Виктор Орбан во минатата недела рече дека границите на Унгарија мора да бидат заштитени со сите средства од бранот мигранти кои стигнуваат преку Балканот. Од почетокот на годината во Унгарија илегално влегле околу 70.000 луѓе воглавно преку границата со Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.