Воз што превезувал хемиски токсични материи излета од шини и се запали во Тенеси, во јужниот дел на САД, соопштија противпожарните екипи.
Возот излетал од шините во областа Меривил, во близина на градот Кноксвил. Тој превезувал акрилонитрил, запалив и токсичен хемиски производ што претставува ризик за дишните патишта, изјави пожарникарот Кермит Естерлинг.
Засега нема информации за човечки жртви, а полицијата започна со евакуација на локалното населние во училиштата кои се претворени во прифатни центри.
Пожарникарите засега не успеваат да го неутрализираат пожарот поради опасниот акрилонитрил, а екипите специјализирани за опасни материи се упатени на местото на несреќата.
Возот што превезувал и контејнери со течен нафтен гас излетал од шините малку пред полноќ по локално време, потврдија противпожарните екипи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
