Гевгеличани се жалат на прегласна музика од кафулињата

Сите угостителски објекти во општина Гевгелија, а посебно кафулињата во центарот на градот, ќе мора да ги почитуваат законските одредби во делот на гласноста на музиката, работното време и користењето на одобрената јавна површина, беше заклучено на денешниот состанок на надлежните инпекциски служби и сопствениците на угостителските објекти.

Повод за состанокот беа оправданите реакции од граѓаните за нарушувањето на јавниот ред и мир кои најчесто се жалат на прегласната музика од кафулињата во центарот на Гевгелија особено во викенд деновите, како и поставувањето маси и столови надвор од дозволената јавна површина кои го заземаат пешачкиот простор.

Сопствениците ветија дека ќе ги почитуваат законските одредби, а инспекторите ги предупредија дека пуштањето музика со гласност над дозволените децибели и заземањето на јавни површини ќе се казнува од инспекциските служби кои највија дека ќе организираат дежурни служби за деновите од викендот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.