Доминацијата на МЗТ СКопје во македонската кошарка продолжува. Аеродромци ја слават четвртата титула во клупската историја и тоа сите четири во низа.
Вечерва во третиот натпревар од финалето на плејофот МЗТ СКопје славеше победа над Куманово со 94-85 и со максимални 3-0 за заврши борбата за титула.
Натпреварот се чини беше решен уште во првата четвртина кога „металците“ не знаеја да погрешат од сите позиции и успеаја да постигнат дури 34 поени наспроти 19 примени.
МЗТ Скопје одличната офанзивна игра ја продолжи и во вториот период кога дојдоа до максимални 21 кош разлика на полувремето (59-38).
Во второто полувреме очекувано дојде до опуштање во играта на избраниците на Алеш Пипан, кој можеа од готово да направат вересија. По најголемото водство на МЗТ од 61-38, кумановци покажаа дека заслужено се финалето бидејќи за само неколку минути дојдоа до едоцифрена негатива, која во последниот четвртина беше намалена на само четири коша (76-72).
Но тоа беше се од кумановци. До крајот МЗТ се созеде и рутински го однесе натпреварот до конечна победа од 94-85.
Најдобар поединец на дуелот беше Предраг Самарџиски со 22 поени и 11 скока, 20 поени постигна Синовец а со 16 поени дуелот го заврши Чапин. Во тимот на Куманово, Мандиќ имаше 23 поени, а со 13 поени и 7 скока мечот го заврши Костоски.
За МВП на финалната серија беше прогласен двоецот бекови, македонскиот репрезентативец Марко Симоновски кој ова признание се чини си го обезбеди уште во вториот натпревар кога со кош во последната секунда го одведе својот тим до продолжение, а потоа и до победа и интернациоаналецот Сеад Шеховиќ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
