Дали Заев е повторно погрешно интерпретиран?

Кревање на меѓуетнички тензии со манипулации и целосно лажен наратив e картата на која игра опозицискиот лидер Зоран Заев, со цел предизвикување конфликт заради запирање на сопственото пропаѓање.

Дел од ова сценарио на Заев е и вчерашната изјава за германскиот весник „Ди цајт“ поврзана со случајот „Монструм“, во која беше пренесено тврдење на лидерот на СДСМ дека осудените во овој грозен случај биле невини.

-Седумтемина етнички Албанци што се осудени за случајот Смиљковско Езеро се невини – беше изјавата на Заев во интервју за германскиот весник, која опозицискиоте медиуми што се под директна контрола на СДСМ ударно ја објавија, за потоа Заев да ретерира и да се огради, со објаснување дека била „погрешно интерпретирана“ од германскиот новинар.

Сепак, и покрај ретерирањето на Заев од изјавата, за што не се знае дали е намерно или ненамерно, веќе е посеана атмосферата на конфликтност и претставува играње со чувствата на семејствата на жртвите и на обвинетите во овој случај.

Исто така, прашањето што неминовно се поставува е дали СДСМ испрати демант до германскиот весник „Ди цајт“ имајќи предвид дека најголемата опозициска партија постојано го прави тоа кога Заев ќе биде „погрешно интерпретиран“ од домашните медиуми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.