| четврток, 6 декември 2018 |

Лидерот на Хезболах упати повик за свет сојуз против ИД

хасан
Лидерот на либанската шиитска групација Хезболах, Хасан Насрала упати повик за свет сојуз на Блискиот Исток во борбата против „егзистенцијалната закана“, која доаѓа од џихадистичката групација Исламска држава.Тој првпат призна дека Хезболах во Сирија се бори на страната на сириската армија.

– Ги повикувам сите во Либан и во регионот да преземат одговорност и да се спротивстават на заканите од сунитските екстремистички групи (таксири) – нагласи Насрала на предавањето во јужниот либански град Набатие.

– Битката против проектот таксири е егзистенцијална битка со која ќе се соочи нашата држава и нашиот регион. Кога станува збор за егзистенцијална битка се друго е во втор план. Денес сме соочени со невидена закана во историјата, која е опасна за целото човештво- истакна тој.

Насрала додадед ека таа закана не е насочена конкретно кон Хезболах во Либан, против конкретна религија, против режимот во Сирија, владата во Ирак или некоја друга група во Јемен.

– Опасноста е за сите. Никој не треба да ги затвора очите и да ја става главата во песок- рече водачот на Хезболах.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top