Атланта и Голден Стејт се пласираа во финалињата на конференциите (видео)

Перо Антиќ со својот тим Атланта се пласира во финалето на источната конференција откако синоќа славеше победа на гостински терен од 94-91 над Вашингтон и со вкупен резултат мина во следната рунда.
Во финалето „јастребите“ сега ги очекува историска пресметка со Кливленд и „кралот“ Леброн Џејмс.
Тројца кошаркари на „јастребите“ постигнаа повеќе од 20 поени, а нив ги предводеше Керол кој натпреварот го заврши со 25 поени зад своето име. Одлична партија пружија и Милсап и Тиг со по 20 коша.
Антиќ мина на паркетот нешто повеќе од пет минути и забележа три клучни офанзивни скока.

Најдобриот тим во регуларниот дел од сезоната Голден Стејт истотака оствари клучна победа на гостински терен против Мемфис со 108-95 и заслужено се пласираше во финалето на западната конференција.
МВП на регуларниот дел од сезоната Стефон Кари беше фантастичен остварувајќи дабл-дабл учинок од 30 поени и 10 асистенции.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.