Исплата на субвенциите за тутунот

Во Прилеп почна исплатата на субвенциите за минатогодишната реколта тутун. Според Подрачната единица на Mинистерството за земјоделство, шумарство и водостопанство, субвенции има за сите тутунари без разлика кај кој откупувач го предале родот.

– Ланската реколта тутун беше тешка околу 25.000 тони од кои нешто повеќе од половината, 13.000 тони се од прилепско-пелагонискиот регион. За прилепските тутунари се обезбедени околу 13 милиони евра од вкупно 25-те милиони за исплата на субвенциите за целата реколта, информира Коста Дурланов од Подрачната единица на Министерството за земјоделство.

Тутунарите се нестрпливи што поскоро да ги подигнат парите зашто, велат, сега е во ек расадопроизводството.

Според Подрачната единица, за новата реколта тутун се подигнати 11.100 бели картони или околу 1.500 помалку од лани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.