Дамата го матира кралот, Јувентус го елиминира европскиот првак Реал Мадрид (видео)

Алваро Мората е златното момче на Јувентус и казна за погрешната одлука на Реал Мадрид, што му дозволи да замине во редовите на „Старата дама“ од Торино.

Напаѓачот на Јувентус со втор гол во двомечот со европскиот првак ги нокаутира своите од Реал Мадрид и му донесе финале на тимот од Торино. Во реваншот од полуфиналето во Лигата на шампионите „кралевите“ од Мадрид беа матирани од „дамата“ и одиграа само 1-1, недоволно за прво европско Ел Класико против Барселона. На 6 јуни во Берлин во меч за европската круна на Каталонците ќе им се спротивстави Јувентус. Италијанскиот преставник со вкупен резултат од 3-2 го исфрли од игра актуелниот шампион Реал Мадрид.

Реваншот почна како по ноти за Реал. Судијата Ериксон им досуди сомнителен пенал на домаќините, а Кристијано Роналдо лесно го совлада Буфон за предност на Реал од 1-0. Резултат што му одговараше на носителот на титулата, но се до 57. минута и новиот блесок на Мората. Позајмениот играч од Реал пак им даде гол на своите доскорешни соиграчи и го одведе Јувентус во финалето на 6. јуни во Берлин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.