„Кралот“ Леброн го одведе Кливленд на чекор до конференциското финале (видео)

Кливленд направи голем исчекор кон финалето на источната конференција победувајќи ноќеска на домашен терен во петтиот натпревар од плејофот против Чикаго со 106-101 за водство од 3-2 во серијата подобар до четири.

Натпреварот во Охајо го одбележа Леброн Џејмс кој не дозволи изненадување одигигрувајќи фантастичен меч со дабл-дабл учинок од 38 поени, 12 скока и шест асистенции.
Добар натпревар одигра и Кајри Ирвинг со 25 поена. Овие двајца кошаркари имаа подршка од Тристан Томпсон и Иман Шамперт кои заедно додадоа 25 коша.
Најдобар во составот на биковите беше Балтер со 29 поена, а Роуз одигра под своите можности додавајќи „само“ 16 коша.

На вториот меч на вечерта, Хјустон ја прекина серијата од два порази против ЛА Клиперс, па победувајќи со 124-103 избегна елиминација, и сега ја намали разлика на 2-3, но за да дојде до целосен пресврт ќе мора да победи и на следните два меча.

Харден беше јунакот на ракетите со 26 поени, додека Ариза додаде 22. Кај Клиперси Блејк Грифин со 30 и Крис Пол со 22 беа најзабележителни.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.