Денеска ќе се одржат собири за поддршка на македонската полиција

„Сите граѓани, стари и млади и од сите националности Ве повикуваме да се собереме на плоштадите во 23 градови во Република Макдонија да ја изразиме нашата поддршка и почит на македонската полиција. Да се заблагодариме за нивниот патриотизам, за нивната професионалност и непоколебливост во одбрана на нашата држава, на нашите животи и нашиот мир и соживот, воспоставување на ред и владеење на законите“, стои во објавата на „Фејсбук“ страната „Поддршка за македонските безбедносни сили“.

– Со почеток во 19 часот на плоштадите во 23 града во земјава сите граѓани да покажеме благодарност за тоа што нѐ бранат и нѐ чуваат, обезбедуваат сигурност. Време е секој граѓанин да ја изрази својата почит кон современите херои на нашата заедничка држава, полицијата – се вели во повикот.

Собирите ќе бидат мирни, мирољубиви, така што од сега посочуваме дека нема да биде потребно дополнително ангажирање на полицијата и никако намерата не е нејзино дефокусирање, туку напротив наша благодарност за нивното несебично залагање.

Повикот за собир е за во 19 часот на плоштадите во:

· Велес

· Кавадарци

· Неготино

· Гевгелија

· Валандово

· Струмица

· Берово

· Пехчево

· Делчево

· Кочани

· Македонска Каменица

· Виница

· Штип

· Пробиштип

· Свети Николе

· Кратово

· Крива Паланка

· Кичево

· Охрид

· Битола

· Прилеп

· Ресен

· Скопје, и тоа:
– Општина Гази Баба (плоштад „Филип Втори“)
– Општина Кисела Вода (просторот „Кај Злате“)
– Општина Ѓорче Петров (плоштад „Делфина“)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.