Во среда во 12,30 часот во Домот на културата „Кочо Рацин“ во Скопје ќе се одржи разговор на тема „Карневали и карневализација“.
Разговорот ќе го води проф.д-р Христо Петрески, а во дебатата ќе учествуваат: проф.д-р Катерина Петровска Кузманова, Слободан Петровиќ, м-р Гоце Ристовски; м-р Трајче Кацаров, Мирче Нешовски, Живко Поповски – Цветин и други.
Притоа, ќе биде промовирана и книгата со истоимениот наслов „Карневали и карневализација“ од Христо Петрески, во издание на „Феникс“, а ќе ја претстави проф.д-р Васил Тоциновски.
Исто така, ќе стане збор и за идното издание на скопскиот карневал „Ставете ги маските“, кој годинава го покренаа Издавачката куќа „Феникс“ и Фондацијата за културна и научна афирмација и презентација „Македонија презент“, а што ќе се одржи на 1 април 2016 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
