Киднапиран и тепан претседателот на УМС на ВМРО-ДПМНЕ-Центар

Претседателот на Унијата на млади сили на ВМРО-ДПМНЕ од Центар и советник во Општина Центар Јордан Ристески бил киднапиран и тепан, дознава Нетпрес.

Според информациите до кои дошол Нетпрес, Ристески е тепан со боксови, понижуван и насилно внесен во автомобил од активисти на СДСМ, возен низ Скопје и оставен на улица.

Напаѓачите, кои според информациите се членови на СДСМ, го сликале претседателот на УМС на ВМРО-ДПМНЕ и советник од централната скопска општина како го понижуваат и ја ширеле таквата фотографија.

Како што дознава Нетпрес, за инцидентот се приведени две лица, В.С. роден 1974-та година и Д.Д. роден 1981-ва година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.