По трката за ГН на Кина во Формула 1 почнаа расправиите меѓу пилотите на Мерцедес. Веднаш по победата на Луис Хамилтон, неговиот тимски колега, Германецот Нико Розберг, кој заврши како втор во Кина, го обвини Хамилтон дека намерно го забавувал и не му дозволил да го претекне. Потоа Хамилтон не остана должен и му одговори дека воопшто не го итересира како возат другите возачи во најбрзиот циркус.
Не поминаа неколку дена, а Хамилтон повторно го „пецна“ својот клупски колега.
– Секогаш изјавував дека Нико е подобро психички подготвен од мене. Сепак, оваа година мислам дека јас сум ментално поподготвен. Да се случеше во Кина јас да бидам на втората позиција, ќе притискав со сите сили да го престигнам противникот, но тој не се обиде во тоа. Тоа е вистинска трка. Јас никогаш не би возел за две секунди побавно отколку што можам – изјави Хамилтон.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
