Интер неможе да ја победи ни Парма, Лацио во чекор ја прати Рома (видео)

Интер пет кола по ред не знае за победа. Денеска избраниците на Роберто Манчини се посрамотија пред своите навивачи на Џузепе Меаца одигрувајќи само 1-1 со „фенерџијата“ Парма. По ударот на Гуарин топката закачи еден од одбранбените играчи на Парма и Интер поведе со 1-0. Тоа беше се што сторија во текот на целиот натпревар.
Парма го израмни резултатот уште во првото полувреме во 44 со голот на Лила. Интер сега се наоѓа на 10.место со само 38 бода дури девет помалку од Наполи кој се наоѓа на петтата позиција и место кое води во еврокуповите.

За разлика од Интер, Лацио прикажува одлични игри во пролетниот дел од шампионатот на Италија и сосема заслужено се наоѓа на третото место на табелата во Серија А, само бод помалку од Рома.
Жртва на лацијалите денеска беше Калјари кој загуби на домашен терен со 3-1. Клосе го отвори резултатот по несебичното додавање на Маури, а домаќините потоа израмнија преку Сау. Билја од пенал ја доведе гостинската екипа во водство, при резултат 1-2 истиот фудбалер промаши нов удар од белата точка, а конечните 1-3 ги постави Пароло во судиското продолжение.

Cagliari vs Lazio 1-3 All Goals and Highlights… by alxrecords

Значајна победа оствари и Милан во Палермо од 2-1. Стрелци на головите за Росонерите беа Черчи и Менез во 37 и 83 минута од натпреварот, а единствениот гол за тимот од Сицилија го постигна Дибала во 72 минута од пенал.

All Goals – Palermo 1-2 AC Milan – 04-04-2015 by Gol-Live

Резултати:
Рома – Наполи 1-0, Аталанта – Торино 1-2, Интер – Парма 1-1, Џенова – Удинезе 1-1, Калјари – Лацио 1-3, Палермо – Милан 1-2, Сауоло – Киево 1-0, Верона – Чезена 3-3.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.