Опозицискиот СДСМ му ги презентираше на шефот на Набљудувачката мисија на ОБСЕ и ОДИХР Герт Аренс сите податоци и докази со кои располагаат околу фиктивни гласачи и други нерегуларности во предизборниот период. Опозицијата најмногу е загрижена за Избирачкиот список затоа што се појавуваат имиња за кои сметаат дека лица кои дополнително добивале државјанства или престојувалишта.
-Беа споменати злоупотребите на буџетските средства во предизборна кампања, предизборните вработувања кои се правеа спротивно на Законот, предвремено почнување на предизборната кампања и она што значи нерегуларности околу водењето на избирачкиот список и појавување на лица кои досега не фигурирале. Ние во 2011 имавме список кој беше нуден и требаше да биде прочистен. Наместо прочистување сега се соочивме со ситуација, во споредба со списокот од 2011 и списокот според кој треба да се спроведат изборите сега, имаме зголемување на бројот, изјави Рената Дескоска Тренеска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
