Голманска хит-парада, најсмешните интервенции на вчерашните мечеви за ЕП (видео)

Смешни голмански интервенции го одбележаа првиот ден од петтата рунда во квалификациските мечеви за настап на фудбалското Европско првенство во Франција следната година. За жал меѓу голманите што направија огромни киксови е и македонскиот чувар на мрежата Томе Пачовски. За да биде црн ден за голманите се случи и инцидент во кој ни крив, ни должен, настрада рускиот репрезентативец Игор Акинфеев, кој беше погоден со запален факел и заврши во болница.

Погледнете ги најсмешните голмански грешки.

Кикс број 1 – Чебану (Молдавија)

Голманот на Молдавија успеа од цело игралиште да го погоди Златан Ибрахимовиќ во глава при исфрлање на топката, а голот е мошне интересен. Ибракадабра погоди, или поточно фудбалот го погоди во глава.

Киск број 2 – Јеле (Лихтенштајн)

Единицата на Лихтенштајн си поигра со фудбалот како со јо-јо играчка и од два обиди не успеа да ја скроти топката, па на крајот без причина го сруши Јунузовиќ за пенал. Комична реакција на Јеле, која не ја казни Алаба од белата точка. Играчот на Баерн и репрезентативец на Австрија го утна пеналот, но подоцна се корегираше со извонреден гол во победата на Австрија од 5-0. Смешната реакција на Јеле можете да ја погледнете на временскиот исечок на видеото од 2:20 минута.

Кикс број 3 – Томе Пачовски (Македонија)

Пачовски бранеше мошне добро до самиот финиш на дуелот меѓу Македонија и Белорусија, спаси неколку голови, но на крајот направи голем кикс и по неговата лоша интервенција Корниленко го постигна победоносниот гол за гостите. Белорусија победи со 2-1, а Пачовски од херој се претвори во трагичар. Лошата интервенција на македонскиот голман можете да ја видите на временскиот исечок на видеото од 2.23 минута.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.