Закани, пцости и навреди кон новинарите на пресовите на СДСМ

Ќе ти ја скршам главата. Ќе видиш што ќе ти се случи. Дојди ти во Струмица да поставуваш вакви прашања. Кај ќе одиш кога ќе се смени власта. Ова се само дел од заканите кои новинарите од медиумите за кои Заев смета дека не се професионални секојдневно ги добиваат на партиските активности на СДСМ, објавува ТВ Сител.

Да се биде новинар на прес-конфренеција на опозицијата е вистинска храброст. Доколку поставите прашање и тоа не им се допаѓа на стотината присутни активисти, можете да си заминете и со некоја модринка по телото. Гласни и недолични извици е најдоброто што може да ви се случи кога ќе поставите прашање.

-Ваквиот терор, новинарите го трпат повеќе од една година односно со самото доаѓање на Заев на чело на партијата. Исто толку време, Здружението на новинари ниту еднаш не реагираше, иако е формирано со единствена цел, да ги штити интересите на медиумските работници. Молчат и меѓународните претставништва во земјава. Новинарите на Сител само во последните недели испратија серија писма до сите меѓународни претставништва во земјава. Реагираше и комплетната редакција на ТВ Сител, а свои реакции испратија и некои уреднци. До овој момент, освен евроамбасадорот Аиво Орав, ниту еден меѓународен претставник не најде време да одговори на нашите барања. Тоа дополнително ги охрабри активистите на опозицијата, па вчера, малку фалеше нашиот новинар на прес конференцијата на Андреј Жерновски да си замине натепан од братучедот на Радмила Шеќеринска, објавува Сител.

Телевизијата објавува дека однесувањето на Заев и неговите поддржувачи на пре- конференциите најмногу потсетува на грчките нацисти собрани во Златна Зора. И бугарските неонацисти слично се однесуваат кон новинарите. На овие теми, Сител објави прилог со конкретни видео од настаните.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.