Косово ги отпишува долговите на населението до 31 декември 2008 година

Косовската влада денеска донесе одлука за отпишување на долговите на населението настанати до 31 декември 2008 година, со услов да го исплатат долгот од последните пет години, јави Танјуг.

Владата на Косово донесе одлука за отпишување на сите долгови за физички и правни лица настанати до 31 декември 2008 година под услов да го исплатат долгот што го имаат за периодот од 1 јануари 2009 до 31 декември 2014 година, пренесува весникот „Трибина“.

Донесена е одлука и за создавање Развоен и Фонд за вработување, како и одлука за формирање Комисија за изработка на нацрт концепт документ за Фондот за инвестиции и вработување и Фонд за разој. Со комисијата ќе раководи еден од политичките советници на косовскиот парламент и претставници на одредени министерства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.