Кој повеќе доби од трансферот на Квадрадо во Челси? (видео)

Во текот на зимскиот преоден рок дојде до договор меѓу Фјорентина и Челси за размена на Квадрадо и Мохамед Салах ,со тоа што клубот од Италија доби и значителна сума пари.
По тој трансфер, се чинеше дека клубот од Фиренца ќе биде значително ослабен бидејќи го загуби одличниот играч од средниот ред Квадрадо. Сепак, резултатите покажуваат друга слика.

Во синоќешниот натпревар против Тотенхем во рамките од Лига на Европа, Мохамед Салах, кој дојде на позајмица во Фјорентина како дел од трансферот на Квадрадо во Челси, го постигна вториот гол за „виолетовите“ и ѝ донесе сигурна победа на својата екипа и пласман во следната рунда.

Тренерот на Фјорентина, поранешниот репрезентативец Винченцо Монтела, е презадоволен од досегашните настапи на египетскиот репрезентативец.

– Кој подобро помина во трансферот на Квардардо? Фјорентина заработи пари, а Салах е сличен во играта како и Квадрадо – изјави Монтела.

Монтела дополни дека Салах може да направи јасна разлика на теренот во однос на противниците.

– Мохамед е играч кој е вистински разорувач на теренот – додаде популарното Авионче.

Фиорентина се пласираше во осминафиналето на Лига на Европа, додека во Серија А во Италија се наоѓа на петтото место со заостанување од шест бода од местото кое води во квалификациите во Лигата на шампионите за следната сезона.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.